15 نصيحة لتعديل سلوك طفلك

انا كنت عند دكتورة تعديل سلوك انهارده وقالتلي شويه نصايح هقولهالكوا لعلها تنفع حد 💛

1- العقاب لازم يبقي علي الخطائ بس , اوعي تعقبي ابنك عشان بيعيط او تزعالي منه ... حل العياط التجاهل مهما كان المكان او الاشخاص اللي حواليكي.

2- التابلت او الموبايل او الTV المتواصل بيأثر علي تركيز الطفل مهما كانت الاستفادة منهم يكفي ساعة مقسومة علي مرتين.

3- نوم الاطفال مع الاب و الام في نفس الغرفة ممنوع .

4- ديماً اتفقي مع ابنك قبل الخروج من البيت علي اللي هيحصل ... مثال هنروح كارفور هنشتري حاجات للبيت وانت هتشتري حاجه حلوه واحدة و هتلعب لعبة واحدة ولازم كل حرف يتنفذ عشان تقداري تنفذي اي اتفاق اتاني بعد كدا .. لازم تصممي علي الاتفاق مهما حصل.

5-الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر.

6-ممنوع يدخولوا الحمام معانا او يشوفوا الام والاب اثناء تغيير الهدووم

7-متعمليش حساب لاي حد ع حساب ولادك قالتلي لو وسط مول وسط اهلك ف تاكسي اي حاجه تعملي الصح

بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف

8-متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها

9-ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طلاما الناس بتاخد منهم.

10-لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.

11-لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم

12-بالنسبه للشيبسي والبيبسي مهما هتمنعيه وهو صغير مسيره لما يكبر هيطلب ياكله او يشربه

الحل لما هيطلب كده او لو هو بيحبهم اصلا يبقى نتفق انه مره واحده ف الاسبوع لينا وليه مينفعش احنا ناكل ونشرب قدامه ونقوله انت لا هي مره واحده ف الاسبوع بس

13-الكلمه اللي تتقال تتنفذ ممكن تديله مهله ينفذها بس لازم تتنفذ يعني مثلا لم اللعب قال لا اقول تاني لم اللعب لو قال لا طب انا هعد من 1 ل 5 تكون لمتها لو متلمتش تحرميه من حاجه معينه بيحبهااا

وتخلقى عقاب وهمي انت معملتهاش طيب خلاص مش هنعمل سوا الكيك اللي كنا هنعملها سوا انهارده

14-مينفعش نقول هقول لبابا لما يجي وبابا هيزعق قالتلي دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا
15- اوعي تنسي تتابعي موقعنا عشان تعرافي كل جديد عن تعديل سلوك طفلك ☺😍
منقول من Tangles

الشائعة

اعلان

أقسام المدونة

15 نصيحة لتعديل سلوك طفلك